Tabata riba un 13 di Maart faltando algun ora prome cu comedia cuminsa, cu gobierno den un conferencia a pone un paro na tur actividad publico. Esey a causa cu e comedia “Surprise Party Pa Loloi” no por a sigui.
E fechanan di 13 y 14 di Maart a ser cambia pa 30 di April y 1 di Mei riba peticion di Cas di Cultura. E gastonan ta totalmente paga y artistanan ta cla pa presenta. Mirando loke a sosode ta causa cu mester wanta e comedia. E fecha di 30 di April y 1 di Mei no por sigui. Keto bay gobierno no ta laga vuelonan yega Aruba cu pasahero.
Pachi Damon como escritor di e comedia a manda un mensahe pa e pueblo. Pachi ta informa tur hende pa keda pendiente. Asina cu tur cos normalisa e artistanan lo yega Aruba. Pachi Damon a splica cu ya caba tur artista y gastonan di show ta cubri y ta solamente e momento cu gobierno duna ok y habri bek e chens pa avionnan sali entre Aruba y Curacao, nan lo bin pa presenta e comedia pa e pueblo di Aruba. Finalmente Pachi Damon ta pidi tur hende pa warda nan ticket bon. Esnan cu tin fechanan di 13 y 14 di Maart lo mira nan show di “Surprise Party Pa Loloi” den Cas di Cultura pronto e aña aki ainda manera cos normalisa.
