Wan Li Supermarket a haci un donacion na e Fundacion Ayudo na Aruba pa asina yuda hendenan di Aruba cu ta den necesidad. A haci un donacion di cahanan di comestibel p’e fundacion por sigui cu nan meta di yuda otro. Fundacion Ayudo na Aruba ta agradecido cu Wan Li Supermarket pero tambe e comunidad Chines cu ta yudando nan hopi.
Boluntario di e fundacion, Jacky Nissa, a bisa cu nan a haya noodle soup, aros, soseishi, lechi, buscuchi y ta cosnan cu ta yudando comunidad di Aruba cu ne y mester di dje. Tin un total di mas o menos 1600 famia registra na e fundacion, pero ta purba di yuda mas tanto posibel y nan ta depende di donacion.
Tur cos ta depende cuanto nan tin na donacion, si ta producto of placa cash, asina nan por yuda mas. Ta purbando di yuda tur tipo di hende, sea ta legal of ilegal, no ta importa e religion. E fundacion no kier pa niun hende pasa hamber.
Pa yuda e fundacion por haci un donacion via nan cuenta bancario of por bay riba nan Facebook page unda tin lista di productonan cu mas e pueblo mester di dje, pero tur cos ta bon bini. Ta keda na e persona kico e por yuda cu ne y e persona mes por dicidi kico por yuda cu ne, sea paña. Segun Jacky, nan no por exigui pasobra ta ayudo nan ta ricibi y esey ta mas importante.
Pa tuma contacto cu nan por haci esaki na e number di telefon 5669672. Riba nan pagina di Facebook Fundacion Ayudo na Aruba por haya tur informacion di unda e warehouse ta pa haci donacion di paña of cualkier producto. Tur esnan cu tin mas pregunta por tuma contacto cu nan y lo contesta e preguntanan
