E manera mas safe pa bo haci negoshi cu placa awe, pa Rafini ta e sistema di online banking of mobile bankin. Esey bo ta haci’e den tur secrecia. E tin diferente punto di siguridad, caminda cu si abo no ta e persona cu ta haci uzo di e sistema, e no ta lagabo release a placa of e no ta lagabo haci e transaccion. Te ainda online of mobile, naturalmente cash semper, apesar cu cash tambe tin ora no na Aruba hopi, pero si den otro paisnan, bo ta haya hendenan cu ta uza placa falsifica. Ainda online/mobile ta esun di mas facil.
Spaarmento di placa
E fenomeno di spaar ta hopi menos, depende di e cultura di e persona tambe. E manera cu el a wordo educa tambe y di unda e ta bin. Na Aruba, mirando e likides cu tin awor aki den e banconan, por bisa cu hopi hende no ta tene placa na cas mas. Naturalmente tin negoshantenan cu ta handle hopi den cash. Nan ta prefera di retene e cash pa nan paga bek cu cash. Pero por lo general tin hopi placa den banconan na Aruba. Esey ta duna indicacion cu hendenan ta hiba nan placa banco.
Eliminacion
Esaki tabata algo cu tabata tin ta evalua hopi tempo caba, pero pa mas of menos 1 aña pasa el a bira hopi mas un urgencia pa wordo haci y algun luna pasa a trece hunto un grupo di experto bancario di Aruba mes pa traha hunto den un grupo y mira tur e posibilidadnan con por haci’e mas eficiente, sin cu bo ta trece ningun tipo di trancacion den nos economia.
Mas cos cu lo wordo haci
Pa awor aki, naturalmente ta keda wak con por optimalisa e plataformanan. Tambe por ta minimalisa e dianan di transferencia, ora ta transferi di un cuenta pa otro, cual ta dura tin biaha 3 pa 4 dia, depende unda mande. Un di e plataformanan cu lo sigui wak, ta pa haci’e un same day transaction of 2×24 ora, no mas cu esey. Ainda ora cu transferi placa na Aruba, e ta dura largo, segun Pierre Rafini.
