Si Hulanda no a tuma medidanan necesario pa frena Coronavirus, e ora departamento di cuido intensivo lo tabatin mas o menos 23.000 pashent extra. Jaap van Dissel di Rijksinstituut Volksgezondheid en Milieu (RIVM) a informa Tweede Kamer durante nan reunion semanal.
Den IC no tabatin asina hopi capacidad, segun van Dissel. Den e prome siman di mei, durante e tempo cu scolnan basico y creche habri, ta calcula cu den ICU lo tin 700 pashent di Coronavirus. E ora lo tin luga atrobe pa pashentnan regular den ICU. Ainda tin 1050 pashent di Coronavirus den ICU, di cual 37 menos te cu diamars ultimo.
Tambe a trata e parti di e pashentnan contagia, mas o menos 35.000, y con ta plama esaki. E supuesto rate di infeccion probablemente ta 1 den Hulanda, esey ta nifica cu cada portado di e virus ta infecta menos hende. Aki ta papia cu e outbreak ta bahando. A trece padilanti durante e rueda di prensa cu muchanan apenas ta hunga un papel den e plamamento di e virus, segun e prome estudionan. Apenas nan ta infecta, y si ta infecta, nan a haya esaki di nan mayor y nan ta menos malo. E ceramento di scolnan a haci menos pa reduci e virus.
Van Dissel tambe a papia den Tweede Kamer riba uzo di mask. Den un cas di cuido, por ehempel, e residentenan cu tin sintomanan di Coronavirus of ta malo, e trahadonan ta bisti un mask. Segun RIVM, no tin sentido di uza mask preventivo den otro departamentonan. E masknan por desempeña un papel den e reapertura di cierto profesion, manera pelukeria. E team di maneho di brote por duna conseho mas trempan pa dia 20 mei pa relaha cierto medidanan, asina van Dissel a bisa.
