Manera tur aña, un masa di hende gigantesco a yega MooMba Beach pa asina participa den e ya conocido Unox Nieuwjaarsduik anual, cu a tuma luga pa 12’or di merdia.
Bisti cu un pechi, atletanan hoben, mas hoben, madura y mas grandi, ta spera di core drenta lama despues di e starting sign. E fiesta a cuminsa pa 10’or di mainta cu DJ Rico Rijk, cu a sigui pa 11’or di mainta DJ Diablo. Pa 10’or y mey di mainta, un expert zumba master a calenta e musculonan cu un klas di zumba. Y depsues, tabata e momento pa e annual Unox Nieuwjaarsduik.
Awa friu, curpanan ta tembla y djentenan riba otro: nada di esaki a pasa aki na Aruba, caminda cu e temperatura di e awa ta dushi, e solo ta briya y guia e aña nobo cu un sambuya den lama, no ta nada duro.
Despues di e Nieuwjaarsduik aki, e participantenan a haya un dushi sopi di erwt di Unox cu rookworst den dje. E tradicional sopi di erwt Hulandes aki, a keinta bo curpa despues di e sambuya y ta den un condicion terifico pa bo sigui fiesta e aña nobo.
E Nieuwjaarsduik ta forma parti di un serie mundial, caminda cu e landadonan lo core drenta lama, en busca di fama eterno. E pechinan di custumber a wordo duna na e participantenan.
