Fin di augustus 2019 Universidad di Aruba ta cuminsa cu un ‘cohort’ nobo di e bachelor pa docente di matematica.
Tur persona cu un diploma di HAVO cu matematica B, un diploma di VWO cu matematica A of B of un diploma di EPI 4 en principio por drenta e estudio regular.
Studiantenan cu tin un diploma di HAVO cu matematica A tambe por drenta despues cu nan pasa un test di admision pa matematica B cu bon resultado. Tur studiante di EPI mester pasa un test si tambe pa e ‘Certificaat Nederlands als Vreemde Taal’ (CNaVT). Esaki ta conta tambe pa studiantenan di HAVO cu tin un cifra mas abou cu 5.5 pa e examen di scol of examen final.
Despues di termina e estudio aki e studiante tin un cualificacion di di dos grado pa e materia di matematica y por duna les na tur klas di EPB, EPI y MAVO. Fuera di esey e ta cualifica tambe pa duna les na e klasnan mas abou di HAVO/VWO (klas 1, 2 y 3)
Diasabra binidero 6 di april di 9.30 te 13.00 ta tuma luga e ‘Open House’ durante cua lo presenta e programa. Pa mas informacion por consulta e website www.ua.aw
‘Sustainable Island Solutions through Science, Technology, Engineering and Mathematics’
Sostenibilidad a bira e lema di gobernante, negoshi y institucionnan di investigacion. Sostenibilidad ta rekeri colaboracion entre institucion y disciplinanan y no por wordo traduci solamente den terminologia tecnologico. Sinembargo, sciencia, tecnologia, ingenieria y matematica (STEM) tin un papel importante den desaroyo sostenibel den siglo 21.
Vulnerabilidad di isla estado chikito pa loke ta impactonan economico y di medioambiente ta rekeri un contesta multidisciplinario relaciona cu desaroyo sostenibel. Den e perspectiva aki ta evidente cu nos pais, sociedadnan y industria ta exigi innovado, educado, investigado y lidernan cu por soluciona e retonan pisa tanto di awe como mañan.
‘Sustainable Island Solutions through science, technology, engineering and mathematics’ lo formula manehonan sostenibel riba un nivel academico, door di sostene isla estado chikito cu ta mustra resistencia mientras lo educa tambe personal cu tin e habilidad y capacidad pa haci e manehonan aki realidad.
SISSTEM lo percura pa habilidad y disciplinanan ( di investigacion), cu sosten di su centro y laboratorionan di investigacion, dentro di alcance, pa realisa desaroyo sostenibel cu enfoke tanto riba energianan sostenibel, conscientisacion bio-ambiental, tecnologia sostenibel y ingenieria como informatica y sciencia di dato.
Cu e proposito aki, Universidad di Aruba, den colaboracion cu ‘KU Leuven, a lanta SISSTEM: Sustainable Island Solutions through Science, Technology, Engineering and Mathematics.
Pa mas informacion tocante e programa di studio y e rekisitonan pa drenta Universidad di Aruba, nos invita bo pa bishita nos website www.ua.aw
Aplicacion Online: May 15 – July 15
SIgui nos riba Facebook https://www.facebook.com/universityofaruba/ y Instagram.
No lubida di bishita nos diasabra awo 9.30 a.m pa e ‘Open House’ Don’t forget to visit us this upcoming Saturday for our open house at 9:30 a.m.
