Grupo di studiante di polis cu proyecto di “Water”

For di dia 19 maart 2019 un grupo di studiante  di klas n4-2016 cu ta eherciendo nan estudio di polis ta trahando riba un proyecto riba bendemento di alcohol . 

E proyecto “WATER”  nunca no a wordo haci dor di polis y e ta incera e control riba e botonan di placer cu ta navega den nos awanan teritorial cu turista y cu ta sirbi alcohol  y cuminda abordo.

Segun nos leynan vigente pa bo por tin alcohol y/of cuminda abordo di un boto pa bende,  bo mester tin un permiso.

Un grupo di 5 polis a sali pa haci nan control hunto di departamento di Salubridad Publico y Kustwacht riba lama.

Personal di salubridad publico ta encarga cu e parti di hygiena  y e parti di declaracion di salud di e personal cu ta traha riba e boto. Tambe den e accion aki pa prome biaha a tuma muestra di awa di e tankinan di e boto pa controla e calidad.

Personal di Kustwacht a yuda cu e controlamento  di e papelnan necesario cu e boto mester tin pa ta ariba awa.

Un total di 11 boto a wordo controla di cual  Kustwacht a manda 1 bek tera debi cu e no por a mustra ningun  papel legal pa e por a navega y ningun di e tripulantenan cu ta sirbi cuminda of bebida tabata tin nan carchi berde na ordo.

Di parti polis a constata cu tur boto ta sirbi cuminda y alcohol. Pero nan no tin un permiso pa haci esaki conforme ley.

Ta di remarca cu un di e botonan lo tabata tin mas cu 200 liter di alcohol abordo.

E grupo di e proyecto “WATER” kier a gradici e personal di DVG , Kustwacht y tambe nan coleganan di Sectie Bijzondere Verordening di districto Noord pa nan tremendo respaldo pa por a haci e proyecto aki posibel.