Minister Rudy Lampe tabata tin un reunioncu esnan cu ta envolvi den educacion pa loke ta SPO (Scol Practico pa Ofishi).Tin dos area cu ta duna tipo di enseñansa aki. Uno na Santa Cruz y e otro ta naSavaneta.
Pero tin un scol nobo cu a wordo traha na Brazil. Informacion ta culo bay pone e dosnan aki hunto y eynan e preocupacion ta bin. Kico lo pasa, sitin espacio pa tur e muchanan, con lo fitnan den klas, kico lo haci cu e otrodocentenan cu awor aki ta trahando separa for di otro, si nan ta perde trabao,etc.
E mandatario a splica cu ta importante cu ora tuma un decision, ta tum’e a largo plazo. Tin cu tuma un decision ya den bista kico lo ta Aruba aki 10 aña. A base di e proyeccionnan cu a haci, ta tuma cierto decisionnan.
En berdad pa loke ta SPO, e minister tin un gran admiracion pa tur e maestronan cu ta traha eynan. Ta un tipo di enseñansa cu no ta facil. P’esey for di cuminsamento, minister Lampe a aclarea, cu ningun maestro ta perde nan trabao, ni tampoco e ondersteunend personeel lo perde nan trabao.
A bisa nan personalmente ora cu a topa cu tur e personal cu ta laborando na e dos scolnan aki di Santa Cruz y di Savaneta.
Kico ta SPO
SPO ta un enseñansa secundario pa muchanan cu ta sali for di e tipo di scol, manera Emmaschool of Paso pa Futuro. Awor aki, e prome decision di e minister ta, cu e muchanan aki merece tur atencion. Pesey no lo tin un toets mas pa e muchanan aki bay SPO. Automaticamente esnan cu ta termina scol basico special, ta pasa automaticamente pa SPO. Ta p’esey el a wordo crea. Como enseñansa secundario pa e muchanan special aki cu a caba nan scol basico, manera Emmaschool. Nan merece un enseñansa secundario.
Y ora respeta e identidad aki, kico ta SPO, e ora ta mira loke a sosode den pasado caba, cu tin mucha y hoben, ta na un tipo di enseñansa, unda nan mester ta. No por mescla totalmente problema di aprendisahe y problema di conducta. Pesey tin cu, como gobierno, fortifica loke ta e atencion pa e muchanan cu tin problema di conducta, loke ta wordo yama e structura di cuido di muchanan, mester ta na su luga, pa e muchanan ey haya nan tambe, nan atencion mereci.
Loke a sosode ta cu den pasado, tabata tin uso inapropia di SPO. Tabata pone mucha y hobennan eyden, cu no tin mester e tipo di enseñansa ey. Pesey ta proyecta cu e poblacion di mucha cu lo ta na SPO, lo bira mas chikito. Esey ta e tendencia cu tin awor aki.
Ora cu mira cu a traha un scol nobo, un scol cu tin suficiente espacio pa e cantidad di muchanan cu Aruba tin. Aruba tin un pais chikito cu un SPO, cu un Enseñansa Secundario pa e muchanan special aki. Gobierno por cubri e necesidad cu tin. P’esey a bisa cu por mira e cantidad di muchanan na Santa Cruz, cu e cantidad di e muchanan cu tin na Savaneta, por crea un scol conhuntamente cu ta surpasa un tiki cu mas di 200 alumno.
Esey, e minister ta kere, cu ta responsabel pa e ora tin un scol y bao di condicionnan hopi mas miho cu loke nan tin awor aki cu e scol nobo aki lo bay ofrece.
E di dos decision ta cu e scol di Santa Cruz e ora ey lo bay keda destina pa Kluster 4, cual tur pais mester tin’e. Ta pa muchanan cu tin problema di conducta severo, cu mester di un atencion extra special. Esey tambe ta un scol specialisa. Awor aki nan ta na Centro di Bario Dakota, cu no ta apropia pa tin e tipo di enseñansa aki.
Kluster 4 ta nifica no solamente full e scol primario, mester tin un enseñnsa secundario tambe. Mescos cu a crea un enseñansa secundario pa e muchanan cu ta bin di Emmaschool, tambe mester tin uno pa Kluster 4.
Awor aki tin algun klas, pero nan ta bay over y asina aki poco poco ta crea full un scol.
Full e scol eynan lo ta bay tin espacio na Santa Cruz. Como pais Aruba, ta responde na e exigencianan tambe cu tur pais mester cumpli cun’e. Bo tin un SPO, enseñansa secundario pa e tipo di muchanan aki. Tambe tin un kluster 4, cu enseñansa secundario pa e muchanan aki. Asina aki gobierno ta usa lo mas responsabel posibel e poco recursonan cu tin. Na e mesun momento ta cumpli cu e necesidadnan di enseñansa.
Resumiendo, e maestronan tanto di SPO Santa Cruz y SPO Savaneta, henter e cambio aki lo bay haci den dialogo continuo. Esey ta loke e minister a priminti tambe. E proximo siman y lunanan, te cu Augustus, nan mes lo bay planea con e cambio, con e fusion ta bay ta hinca den otro. Nan ta esun cu ta traha directamente cu e muchanan. Tin cu scucha nan pa henter e proceso aki, bay na un manera mas responsabel posibel.
Preocupacion
Cualkier cambio ta trece preocupacion y tur preocupacion ta positivo. Ta pesey e minister a bay cerca nan. E ta aprecia ora cu maestronan ta preocupa. E lo mester no aprecia, ora un maestro no ta preocupa. Esey ta nifica e ora cu e no ta worry mes kico pasa.
Aki tin maestronan cu realmente nan ta stima nan trabao. Nan tin preocupacion pa cualkier cambio cu bin. Si e ta un cambio cu ta wordo haci na un manera responsabel of no. Pesey e minister ta aprecia nan preocupacion. A bisa nan tambe, cu nan lo ta envolvi for di awor te cu vakantie grandi, den henter e proceso di planeacion, pa e cambio aki bay di un manera responsabel, cu asina aki nan tambe por carg’e.
Habri pa scucha
Como minister, mester ta habri pa tur loke pueblo ta trece dilanti. Akinan sigur e minister ta habri pa esey. A splica nan si, cu tin ley. Ora cu un scol bay bao di 100 alumno, e ora ey tin e peliger di perde subsidio. Hustamente pa garantisa nan trabao, nan empleo, pa garantisa cu e subsidio ta continua pa SPO, a splica nan cu ta miho pa uni forsa pa asina ey ningun di e dos scolnan aki cay bao di e peliger pa tin 100 alumno.
E minister ta kere cu loke ta un SPO, bo no por como pais tin dos scol SPO, di cual un tin menos cu 100 alumno. E ora ey bo ta haya exigencia legal, si bo ta sigui cu e subsidio of no. E minister ta kere cu ta den nan beneficio, den nan interes pa uni forsa pa garantisa cu e subsidio ta continua y cu tur e condicionnan mester tey pa nan por traha cu smaak, manera te awor aki nan ta haciendo.
