No ta tur ora bo ta haya cu un vuelo internacional ta wordo comanda pa puro hende muhe. Cu esaki nos kiermen tanto e cockpit como cabina.
Surinam Airways a logra un meta y tabata hopi orguyoso di a anuncia cu pa prome biaha den historia, nan a biaha cu un tripulacion completamente femenino riba nan vuelo PY631 pa Aruba, for di Paramaribo, Surinam.
Sigur esaki tin aprobacion di e publico riba rednan social, cu a elogia e hecho aki. E vuelo mes a yega Aruba net un tiki prome cu merdia. Un palabra di pabien ta bay pa Surinam Airways, cu e hecho historico aki.