Durante un reunion publico den Parlmanento di Aruba, tratando e tematica di RWZI e presidente, mr. Edgard Vrolijk a comete un eror. Ta na momento cu parlamentario mr. Gerlien Croes tabata na turno pa hiba palabra.
E presidente di parlamento, ora di anuncia e palamentario su nomber, el a bruha di fraccion. El a menciona: “ Siguientemente na palabra Gerlien Croes pa fraccion di MEP”, en bes di menciona AVP. Mesora el a corigi su mes y a mencion’e den forma corecto.
Sin cu e presidente di parlamento tabata na altura, su mic tabata cendi. Den forma chistoso el a menciona cu mic habri: “Ta Croes e ta toch”, refiriendo cu tur Croes ta pertenece riba lista di MEP.
