Durante e reunion riba RWZI lider di fraccion Accion21 a haci 35 pregunta specifico. Incluso el a entrega n’e ministernan un copia dje preguntanan p’e por a haya e contestanan. A loke tabata e reunion mes tabata uno interesante pa Accion21.
Miguel Mansur, lider di fraccion Accion 21, a splica cu esaki tabata uno cu nan a yama y e forma con a trece dilanti ta e urgencia number uno di Aruba. Por mira cu esaki ta e menasa principal n’e industria turistico. Tur hende ta biba directamente of indirectamente di turismo. Sigur ta di lamenta algun betoog (argumento) di e parlamentarionan di coalicion. Manera a bira custumber na Aruba, parlamentario di coalicion, specialmente di partido MEP, nan ta cuminsa punto dede na pasado pa hustifica e maneho actual.
A tende parlamentario Berlis punta dede riba proyecto di infrastructura. Mansur ta punta su mes cu e partido di Berlis t’ey desde 2017, 2018 y 2019, esta tres aña, prome cu Covid-19. Nan no a pone ni un florin pa RWZI. Nan no a haci niun esfuerso pa RWZI. Tambe Mansur ta puntra su mes, e diesun parlamentarionan ey a vota p’e contract di Eagle LNG y WEB. Algo cu ta bay costa 1.6 biyon dollar cu ta ekivalente na 2.8 biyon di florin. Esaki ta hopi mas cu cualkier proyecto di infrastructura cu a sosode sin mira contract, sin cu minister a mira contract. “Sin cu boso kier bin pretende, cu boso a vota p’e y boso ta aki representando interes di pueblo. Boso ban ta serio”, el a expresa. E falta di moralidad ta realmente devastador.
Pa un cobertura mas amplio lesa e edicion di TREMPAN di mañan.
