Despues di hopi preparacion por mira bek na un Bula’Den Drive In exitoso cu a sa di ricibi e sosten di comunidad. Devin de Veer, di Gloria Movies Dining Entertainment & Play, ta sumamentr satisfecho cu e acogida. Tabatin alrededor di 3.500 pa 3.750 mil persona, de Veer, ta contento cu por a yena drive-in den e prome edicion di Bula’Den Drive In.
A ricibi hopi comentario positivo di e evento aki y ya caba ta puntrando si otro aña lo tin e di dos edicion di Bula’Den Drive In. “Mi ta kere ta na su luga pa planea e evento pa otro aña caba”, Devin de Veer a comenta.
Tabatin un total di cuater banda cu a competi. A scoge pa hacie un luga cu mas banda por fit.
Na final Devin a gradici e ekipo di The Movies cu a haci evento aki posibel. Alabes el a gradici Tropical Bottling Company cu a partner cu The Movies p’asina trece un evento di calidad y exitoso pa Aruba. Tambe a gradici tur banda cu confia den e idea y por ultimo a gradici e publico cu a sostene e evento.
