Diadomingo, pa mas of menos 3’or y 50 di mainta, patruya di Playa ta bay na Aruba Aloe, pa un caso di destruccion. Aparentemente ora cu security a yega pa controla e luga, el a nota cu e porta dilanti ta hancho habri y un baranca benta abao. A dicidi di yama central di polis di biaha y a pone nan na haltura di e sucedido.

Na e luga polis a constata cu e slot di e porta ta kibra y den e shop tambe e porta tabata distrui. A cana den full e luga pa mira si por a topa cu e malhechor pero nada. Esun encarga a yega na e sitio y a haya tur detaye di polis di loke a keda distrui. A manda un security pa keda na e sitio pa por controla e luga.

Comments

comments