E comision di condecoracion di Aruba ta corda tur cu ta interesa, cu por entrega peticion pa condecora un ciudadano cu un condecoracion Real pa otro aña, te cu dia 10 di augustus 2018. Pa por bin na remarke pa un Condecoracion Real, e candidato mester a traha boluntariamente (sin cobra ningun cen) via trabou comunitario. Bou otro ocasionnan excepcional, unda cu e candidato a cobra, e resultado mester a traduci den un desaroyo economico di Aruba.
Na ocasion di celebracion di Dia di Rey, ta entrega condecoracion Real na ciudadanonan cu a contribui na nos comunidad.
Ta pidi tur cu kier manda nomber di un candidato, pa haci esaki den un envelop cera, pa e Decoratie Commissie Aruba na edificio di Conseho di Minister. E aplicacion ta obtenibel na Conseho di Minister mes of for di e website di Gobierno. E organisacionnan den cual e persona ta activo, mester firma e peticion tambe.
Ultimo dia pa entrega e peticion aki cu dos copia ta 10 di augustus. Pa maa informacion por tuma contacto cu Filomena Perz-Lopez di e Comision di Condecoracion Real via telefon 5838425 of email [email protected].
