Na edad di 14 aña Claudia Roa a bin di Temuco, Chile pa participa pa di prome bes den e Festival di 2016.
Tumando les di Edith Peña, e pianista Venezolano nombra pa un premio Grammy e aña ey, Claudia a gana e Audience’s Prize. Aña pasa Claudia a bolbe participa como discipulo di Edith Peña. El a impresiona e hurado cu su rendicion di musica di Mendelssohn y Chopin y a wordo scogi como ganador di e competencia. Tambe Claudia a inspira e Minister di Cultura pa firma un MOU cu Nuevo Mundo Foundation y Scol di Musica Rufo Wever pa crea un orkesta sinfonica hubenil pa nos isla.
Bek na Temuco, Claudia a practica hopi y duna varios concert pa prepara pa su gran presentacion diabierna anochi den Cas di Cultura.
E concierto ta den e sala grandi y lo cuminsa 8or. Entrada ta gratis, pero lo tin un caha pa donacion. Nos ta urgi publico mustra su aprecio pa loke e voluntarionan di Aruba Symphony Festival ta haci y pa yuda nan sigi trese musica di clase mundial pa Aruba.
No perde e oportunidad pa presencia Claudia Roa toca e Concerto No. 20 en D menor K466 di Mozart diabierna nochi. Entrada ta gratis.
