Awe Diasabra a tuma luga e entiero di Justin Fernandes Pedra na Theresita Center na San Nicolas. Hopi hoben, amigonan y muy especial fanaticonan di e mundo di Go-Kart a asisti. Justin Fernandes Pedra a fayece algun dia atras di forma tragico. E hoben a haya un entiero sumamente bunita na unda cu ora bo drenta bo ta haya un buki di Go-Kart pa firma y mira tur su trofeonan.
Na caha mes bo por a mira su Gokart cu e tabata core y banda di dje tabatin su Quadracer. Despues di ricibi amigonan y famianan na Theresita Center a bay misa y despues di ey a sali pa Santana Publico na Sabana Basora. Su amigonan di Gokart tabata eynan wardand’e pa hib’e su ultimo luga di sosiego. Prome cu drenta santana, Matthew Peasch, un persona cu sigur riba pista di gokart a siña Justin con pa core, a dune su honor di drey cu Gokart dilanti porta di santana. Ey a hiba Justin pa su kelder, tur presente a tira un rosa of lintje den e kelder y bisa “Ayo” na Justin.
