Entregamento di lista ta wordo considera pa algun partido como nan prome prueba pa midi nan forsa Politico cu nan sostenedornan riba caya. AVP y MEP semper a resalta ultimo cuater eleccion cu nan sostenedornan. Na Aruba e diabiernanan di entregamento di lista a bira un dia di fiesta. Segun Glenn Thode, si bo wak bon, caminda cu e hoofdstembureau tin su domicilio, ley ta bisa cu e mester ta na e luga caminda cu e Hoofdstembureau ta bin hunto. Ta reuni y tambe tin su domicilio. Pa hopi rason di organisacion, ta parce e conseho miho pa tene na e normanan aki. Ta bay ta un parti di ordena e trabao pa stipulacion di lista aki tuma luga mas ordena posibel. Esaki lo ta e luga cu segun nan lo cumpli miho cu esaki. Ultimo eleccionnan esaki tabata na Renaissance Convention Center y despues tambe na Ex Havana Beach Club.
No tur hende por drenta
Varios fanatico tabata marcha y basta tabata drenta e sala cu e candidatonan unda tabata entrega lista di e partido. Presidente di conseho electoral Glenn Thode a sigui splica cu ley ta bisa cu e personanan cu ta representa e partido cu tin e lista, na e y/of e persona cu ta e di dos persona cu por representa e partido of su reemplasante, lo mester bin y tambe e candidatonan cu ta riba e lista tambe, por presenta naturalmente. En todo caso e dia aki, pa ordena e proceso bon, lo wak cuanto hende mas por drenta den e sala, caminda cu por stipula esaki delanta y comparti esaki tambe cu comunidad y cu e partidonan.
