Diabierna anochi alrededor di 11:30 pm polis a presenta den Nuñe p’un fiesta clandestino. Esaki despues cu musica duro y traficacion di hende a alerta bisiñanan. Na yegada, polis a constata cu di berdad tabatin un fiesta den pleno accion. Hopi auto para pafo di e cas tabata un di e señalnan cu tin basta hende den e cas, Nuñe # 58. A dura basta rato prome cu a bay over na detencion. A haya autorisacion di fiscal pa drenta e cas y kibra e fiesta.
Na final a detene dies persona, entre nan, ocho hende homber y dos hende muhe. Den dos transporte policial a transporta nan pa ward’i polis. E mucha muhenan no a aprecia a boeinan y transporta nan den e bus di CEA. A splica nan cu e bus di detenido ey ta pa tur hende.
Na ward’i polis diripiente a bira druk, pa procesa tur dies detenido. Cada un a haya un multa cu ta cuminsa for di mil florin pa nan paga. A corda nan cu e ley di calamidad cu ta vigente awo ta prohibi bishitanan na cas pa rasonnan social. Ni un ni dos y pio dies persona den pleno marduga!