El a hiba un lucha largo cu su salud, despues di varios complicacion. El a gana varios bataya den e proceso, pero awe marduga el a perde e guera cu 69 aña di edad. Jullian Jones, miho conoci como Juni a bay laga nos.
E ta bombero for di aña 1976, pues desde 45 aña pasa a drenta servicio di Dienst Brandweer Aruba. El a sa di guia varios di e bomberonan hoben cu nos isla conoce awendia. E ta un bombero ehemplar y ta semper cla pa yuda.
A titulo personal, e tabata casa cu un juffrouw di scol pero cu a fayece caba. Alabes e ta tata di dos yiu muhe, Jillian y Jullisa. Jillian ta dokter di cas. E ta omo di e pelotero Andrew Jones di Corsou. Na aña 2011 Juni Jones a baha cu pensioen.
Hopi forsa na henter famia, conocinan y na Cuerpo si Bombero pa nan perdida. Cu Juni sosega na paz.
