Segun cu por a nota, e cantidad di contagio pa loke ta trata casonan di COVID-19, a mengua un tiki, haciendo cu a suma un total di 623 caso activo, compara cu ayera, cu tabata na 659.
Awe, segun e resmen, un total di 83 persona a recupera. A registra un total di 47 caso nobo di COVID-19, di cual 13 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 807 test. ‘Postivity rate’ entre nos residentenan ta 34%.
Cantidad di fayecido relaciona cu COVID-19 ta 86.
Hospital ta informa cu tin un total di 37 persona interna di cual 10 ta den Cuido Intensivo y 27 riba unidad general di COVID.
