Un grupo di turista tabata riba tour y pa un motibo of otro un UTV a accidenta. Esaki a pasa den careda di 10:30 am patras di Alto Vista. E prome informacion ta papia cu esaki a pasa patras di Alto Vista. E grupo a sali cu e personanan herida band’i Bushiribana, mientras cu a laga e UTV na e sitio di accidente.
Polis a presenta na Bushiribana pa asina tuma dato di loke a pasa, mientras cu dos ambulance tambe a yega na e sitio. Di biaha e paramediconan a cuminsa controla cada persona herida, pero un di nan tabata keha hopi di dolor. Ta trata di un turista femenino, kende tin un fractura.
Despues di a stabilisa e turista, a hib’e hospital p’e haya tratamento medico avansa. E otro dos turista masculino tambe a ricibi ayudo medico. Doño di compania a presenta na Alto Vista pa asina busca e UTV cu a accidenta.
