E ronda di consulta cerca Gobernador, Alfonso Boekhoudt, a cuminsa, unda cu presidente di Raad van Advies tabata esun prome cu a reuni. Den e proximo dianan tin diferente reunion referente e formacion di gabinete nobo. Gobernador lo ta reuniendo cu diferente persona, entre otro presidente di parlamento, e lidernan di partido cu a haya un asiento.
Frits Goedgedrag, presidente di Raad van Advies, a splica riba e ronda di consulta. Raad van Advies ta un di e conseheronan di gobierno y nan rol riba peticion di Gobernador ta duna opinion di kico mester sosode, si bini un informado of formado kico nan mester concentra nan mes. Durante e reunion cu Gobernador, segun Goedgedrag, esey ta loke nan a haci.
Diabierna a tabata eleccion y Raad van Advies a reuni pa asina a duna nan opinionnan kico Gobernador lo por papia den consulta cu e lidernan politico. Goedgedrag a indica loke a papia cu Gobernador e no lo divulga.
Pa mas informacion abona riba www.trempan.com