Diamars atardi, pa mas o menos 6:00 pm, a sosode un accidente rib’e caminda di Matividiri. Pa ta exacto, e accidente a sosode despues di e crusada pa bay Natural Bridge. Na sitio por a tuma nota cu ta trata di un grup’i turista cu tabata rib’un tour rond di nos isla.
Pa un motibo of otro un di e turistanan a dal den un cura transhi cant’i caminda. Ambulance a presenta na sitio pa atende cu e turista herida. Den ambulance a hiba e turista femenino mirando cu el a haya poco sla fuerte na su curpa y e tabata keha di dolor.
Polis encarga cu trafico a cera e caminda p’asina por haci un investigacion y haya sa ta con e esaki a sosode.
