Diaranson anochi, poco prome cu 8:00 pm, a ricibi informacion cu un turista lo a cay y herida su mes. Esaki a sosode na J.E Irausquin Blvd den cercania di un residencia. Na momento cu patruya a yega na sitio, en berdad a constata un turista drumi na suela. E tabata na tino si, pero cu algun herida na su cara.
Segun informacion no oficial, e lo tabata riba un ‘electric step’ y lo a perde balans, consecuencia di esaki ta cu el a cay y herida su curpa.
Ambulance a presenta na sitio, e paramediconan a atande e herido y despues a hib’e hospital pa un chekeo medico avansa.
