Turista internacional a cay cu no menos di 93% den luna di juni ora compara cu aña 2019, cual ta e ultimo data cu World Tourism Organization a mustra riba e impacto severo cu COVID-19 tin riba e sector. Segun e problema nobo di e agencia specialisa World Tourism Barometer di Nacionnan Uni a publica dia 15 di september 2020, turismo internacional a cay cu 65% den e prome mita di aña.
Esaki ta representa un caida sin prescedente, paisnan rond mundo a cera nan frontera y introduci restriccionnan door di e pandemia. Caribe a mira un bahada di turismo internacional di 57.7% den e prome seis lunanan di aña 2020 compara cu e mesun lunanan den 2019. Yegada tabata abou cu 21.6% den e prome kwartaal y 98.5% den e di dos kwartaal compara cu aña 2019, mientras cu yegada global tabata abou cu 27.8% den prome kwartaal y 95.2% p’e di dos respectivamente.
Segun UNWTO, e demanda di biahe internacional cu a baha di forma masivo den e periodo di januari-juni 2020 ta un perdida di 440 miyon turista internacional y mas of menos $460 biyon den export revenue di turismo internacional. Esaki ta mas of menos un perdida di cinco biaha di entrada den turismo internacional cu tin registra na 2019 den un crisis economico y financiero mundial. Ta mustra cu e reduccion di demanda di biahe y e confiansa di consumido ta sigui afecta e resultadonan durante e resto di aña.
Na luna di mei, UNWTO a describi tres posibel scenario, mustrando un caida for di 58% pa 78% di yegada di turismo internacional den 2020. E tendencia actual te cu augustus ta mustra un caida di e demanda di mas o menos 70% (scenario 2) specialmente awo cu algun destinacion a introduci restriccionnan di biahe. E extension di scenarionan ta bay te 2021 y ta mustra un cambio di tendencia pa otro aña, basa riba e supuesto lantamento gradual di restriccionnan di biahe, e disponibilidad di vacuna of tratamento y regreso di confiansa di biahero.
A pesar di esaki, pa regresa e nivel di 2019 den termino di biahamento di turista, esey lo dura entre dos aña y mey pa cuater aña!
