Partido RAIZ a planta e prome simiya na 2017 pa hunto construi e Aruba desea. Den e ultimo tres aña e partido a bin ta restructura y prepara nan mes. Despues di eleccion 2017 nan a structura e partido manera desea.
Na momento cu a funda e partido, nan tabata den un sprint di 77 dia pero awo ta den un marathon. Segun Ursell Arends, lider di partido RAIZ, den e ultimo tres añanan ta den preparacion como partido, candidato- y miembronan. Awo nan tin un academia di bon gobernacion di cual ta prepara e miembronan kico ta e staatsrecht di Aruba, principio di bon gobernacion y diferente aspecto.
Nan kier ta den Parlamento y gobierno, p’esey a cuminsa traha desde prome dia. Dia 4 di october nan lo tin un evento na Koyari, unda lo intercambia idea, duna asistencia necesario y informa kico ta nan vision. Nan tin lista di pregunta y preocupacion, y ta manda nan pa Politiek Den Haag.
Partido RAIZ
Tai Foe Lee & Ursell Arends a funda Partido RAIZ dia 9 di Juni 2017. Lider desde fundacion ta Ursell Arends y a participa un solo biaha den eleccion, na September 2017 y a logra 2107 voto. Ideologia di Partido RAIZ ta Social, democrato, progresivo.
