Inglatera a logra estrena cu victoria den e Mundial di Rusia despues di a vence Tunisia (1-2) cu hopi mas sufrimento cu lo spera. Tanto asina cu e victoria, obra di Harry Kane, a yega den e tempo di sobra. E delantero di Tottenham tambe a haci su prome gol di e encuentro, cu a wordo neutralisa pa Sassi desde e punto di penalty.
No a tarda hopi pa Inglater delanta su mes. Y tabata un hugada un poco straño. Ashley Young a benta un corner afo cu a wordo remata pa Stones, Hassen – guardameta Tunesino. Den e mesun hugada aki, e potrero a lesiona su schouder y no por a sigui, obligando e seleccionador gasta su prome cambio ora cu no a cumpli e prome cuarto di ora.
Pero Inglatera no a yega na mustra su miho version y prome cu descanso Tunisia a lobra confirma otro sorpresa di Mundial. Den un bala aereo, Walker a propina un codaso cla na Ben Youssef cual e colegiado no a duda den castiga cu un penalty y Sassi no a pordona for di 11 meter.
E Inglesnan a realisa un monologo den e di dos parti, pero sin yega na pone Tunisia den problemanan berdadero… te ora cu Harry Kane a aparece, cu pa algo e ta un di e delanteronan mas codicia na mundo. Den pleno tempo di descuento, e delantero di Tottenham a probecha un despiste di e team Tunesino den un sake di skina pa cabesa den e di dos palo, un tanto cu a bal e tres puntonan pa Inglatera, cu ta lidera hunto cu Belgica e grupo G.
