Diasabra ultimo, dia 16 di september, tabata Dia Internacional di Limpiesa di Costa. Mas di 100 empleado di Tropical Bottling a bini hunto na Rincon Beach situa na Grapefield pa duna un aporte na nos medio ambiente y haci e beach limpi. Tropical Bottling Company como e emboteyado oficial di The Coca-Cola Company na Aruba, a uni cu e demas di e emboteyadonan den nos region pa asina hunto riba e mesun dia special aki, esta duna nan aporte na e causa importante aki.
E meta di Coca-Cola ta pa refresca mundo, pero tambe contribui di un forma responsabel na nos sociedad y medio ambiente. Un iniciativa di nan plataforma “Circular Seas” y vision di Coca-Cola y ambicion di un “World Without Waste”. Sigur ta algo bunita pa mira nos emboteyado di Aruba, hunto cu emboteyadonan di nos isla ruman Corsou y Boneiro, como tambe Jamaica, Trinidad & Tobago, Guadeloupe, Barbados, Surnam, Bahamas, Santo Domingo, St. Lucia, y mas, a bini hunto riba e mesun dia y uni forsa aunke riba un distancia.
E team di Tropical Bottling a logra recoge un total di 1.100 kg di sushi den dos ora y tabata un momento bunita pa comparti cu otro, pero mas ainda mira e entusiasmo pa haci e trabou aki boluntariamente riba nan dia liber. Tropical Bottling ta hopi orguyoso di por contribui na e bon causa y duna un man na mantene nos isla limpi y bunita. Sin duda ta gradici tur cu a participa na e evento aki. Tropical Bottling como emboteyado di The Coca-Cola Company y lo continua enfoca riba esfuersonan cu ta contribui na un medio ambiente prospero.
