Frans Ponson, Presidente di CUA (Comerciantenan Uni Aruba) a bini dilanti Dialuna mainta cu algun preocupacion recien den conexion cu negociacionnan entre gobierno di Aruba y Hulanda pa loke ta financiamento.
E comerciantenan a toca un rato riba e asunto di Rijkswet. Nan a mira un presentacion tocante e debe di Hulanda aworaki, pero Ponson ta bisa cu ‘nos tin cu djis corda pueblo un cos: si nos negocia cu Hulanda aworaki cu miho areglo, lo tin 10 miyon di diferencia entre yega of no yega na un areglo aworaki.’
PUEBLO TA PAGA P’E!
Un cos cu e organisacion Comericante Uni ta lamenta – apesar cu nan no ta Gobierno y no por mira kico a pasa – si por a haci esaki per 1 September, por a salba e pueblo di paga 30 miyon florin. “Anto nos como comerciante, si den cualkier comercio di Aruba bo por scapa 5 miyon mes, cu nos mester yena mil of dos mil papel, nos lo haci e pa scapa e miyonnan.” Ponson ta comenta cu si nos ta papiando di 30 miyon, na nan parecer, fin di dia ta pueblo ta bay paga esaki. “Y nos tin cu corda e pueblo cu ta nan ta bay pag’e. Pasobra si nan kier subi’e pa e comerciante, e comerciante ta pas’e pa e pueblo. Si bo subi’e direct pa e pueblo, ta pueblo lo paga p’e. “
Lesa mas den TREMPAN.
