Den presencia di e representante di patrosinadornan Big Wheel Lottery y Tropical Bottling Company, prensa, staf tecnico, hungadornan, miembronan di bestuur, miembro di honor John Merryweather y otro baluarte Rafael Vanegas e organisacion tricolor a batisa nan uniform. Madrina Natasha Upegui hunto cu representantenan Joan Odor y Richard Giel a basha Powerade riba e uniform tradicional di cas esta e rood/wit/blou pa despues batisa e asina yama “uit tenu” ora di hunga como bishitante. E anja aki a pone un toke extra na e uniform mirando cu a recorda e ex-hungador Eduardo Mayora Ponce awe den felis memoria kende tabata un tremendo hungador di RCA. #RCApaBida
