Diadomingo riba dia di Himno y Bandera scol di arte martial Tang Soo Do a logra organisa un otro torneo pa su alumnonan. Fighting Eagle Academy School of Tang Soo Do ta contento cu nan a logra organisa un torneo na unda otro arte martial na Aruba a accepta invitation pa a forma parti di e torneo aki.
E torneo tabata parti den diferente disciplina di arte martial cual tabata Chil Sung (forma di cana avansa), Hyungs/Kata (forma di cana), Weapons (forma cu arma), Team Hyungs/Kata y por ultimo Grand Champion den Hyungs/Kata. Kyo Sah Nim Sherwin Wester ta gradici otro instructornan di otro arte martial nan cu a competi pa asina forma un meta pa siguie engrandece e deporte na Aruba.
Un danki mester bai na Aruba Medical Supplies, Dushi Awa y S.A. Provider como sponsor nan cu a duna un man pa haci e torneo aki un exito. Por ultimo Kyo Sah Nim Sherwin kier gradici tur mayor, alumnonan cu a forma parti di e torneo y tambe na Ronaldinho Zara como fotografo di e torneo.
