Tur aña riba 18 di Maart, esta dia di Himno y Bandera, ARCC ta organisa nan evento di avion. Desde trempan amantenan di e competencia di avion a yega na Cascabel Airfield pa asina competi y mira diferente avion chikito.
Tur hende presente a disfruta di e diferente evento di e avionnan, unda cu nan a mira e fun fly event, show di jet, show di avionnan di scala. Tambe nan a disfruta di e show di helicopter di remote control. Hunto cu e avionnan mas nobo, por a mira avionnan antaño. E publico a admira esakinan y tabata saca potret di e avionnan aki cu tabata riba tereno.
E evento tabata sumamente exitoso y bon bishita pa adulto y muchanan. E muchanan tabata feliz di a mira diferente avion, jet y helicopter. Aruba Bank un biaha mas a contribui na un di e eventonan cultural di Aruba riba nos dia nacional di Himno y Bandera.
