Pa mas of menos 3:00 pm unidadnan policial a mobilisa pa Nieuwstraat pa un caso di tiramento. Prome informacion ta cu e persona tira lo a bay cumpra droga den Rancho y esaki a termina na tiramento.
Tabatin un persecucion na pia y a logra topa cu nan den area di Tech Shack den Nieuwstraat. No a haya e arma di candela mesora pero si a haya un machete. Ta buscando un Nissan March color ros cu lo ta envolvi den e caso aki.
E persona tira, a core bay ward’i Playa. Aparentemente e lo tin un herida di bala na su brasa. E auto perfora ta un auto marca Toyota modelo Yaris numera A-20092.
Entretanto a haya e arma di candela den Rancho. Recherchenan a presenta mesora na ward’i polis di Playa pa pone nan mes na altura di e suesdido.
Polis ta buscando un sospechoso bou di e apodo “Coco” cu tabata bisti cu un poloshirt color blauw.