Diamars a tuma luga e Nationaal Onderwijs Congres, organisa pa SKOA. Un iniciativa cu a cuminsa na 2018. Y awo, despues di cuater aña, a mehora den tur sentido.
Mescos cu aña pasa, e congreso aki a bay digital y e partner cu a yuda cu e congreso aki si tabat’ey, mirando cu door di e pandemia aña pasa no por tabata presente.
Durante e congreso aki a invita varios docente y colega fo’i Corsou, Boneiro y Sint Maarten, pa participa den e congreso.
Pa SKOA nan ta un trendsetter pa loke ta educacion di maestro, organisando tipo di congreso nacional asina, caminda cu nan por haya diferente tema cu ta interesante. Nan por inscribi pa e tema tambe y por sigui esaki virtualmente.
Aworaki tur scol, team y docente ta na scol obligatoriamente. Pero asina mes nan ta sigui un di e cursonan. Nan ta scoge loke ta mas ideal pa nan. Tin scol cu a scoge pa sigui e congreso den team, basa riba nan planning di scol (jaarplanning), kico nan ta mira como interesante pa haci y nan ta haciendo esaki, segun director di SKOA, Anueska Baly.
Pa cobertura mas amplio lesa edicion di TREMPAN mañan.
