Polis a presenta na un cas na Pos Chikito pa un yiu cu a lanta cu su mama den cas. E persona aki ta un homber di 57 aña di edad y a bira un carga hopi grandi pa e mama aki.
Den careda di atardi, patruya a yega y atende cu e persona aki cu a lanta cu e mama y bira basta agresivo. Por corda cu e mes un homber aki a lanta cu su mama algun siman atras ora cu e no a cushina p’e. Polis a atende cu ne e dia ey pero awe si otro gay a canta.
El a rebeldia fuertemente contra e mama y no a keda otro opcion cu yama polis p’e. Na yegada, mirando e comportacion, a opta pa detene y transport’e pa warda. E ta un falta di respect grandi pa e mama cu ta hende grandi caba. Manera nan sa bisa, tin yiu y tin yiu, esaki sigur ta un cu ta puro dolor di cabes pa su mama.
