Un situacion basta peligroso y serio tumando luga riba Green Corridor y por a compronde cu esaki no ta e prome. Comunidad ta señala un vehiculo color preto como responsabel di maniobra sumamente peligroso riba caretera di Aruba cu ta pone bida di hende na peliger.
Den careda di 5:00 pm a tuma luga un acto di agresion formal na man di dos persona cu tabata den e vehiculo preto aki. E victima a ricibi sla formal. E dicho vehiculo, un Mercedez Benz preto, lo a intercept’e, para su dilanti y blokia su pasada. E momento ey dos persona a baha di e auto y agredie malamente.
Testigonan riba caretera a mira e sucedio no por a kere nan wowo, tabata manera un escena di pelicula. Mesora varios di nan a tuma contacto cu polis pa asina avisa di local a caba di tuma luga. Eaki a sosode na haltura di rotonde Balashi. Polis a presenta pero na yegada e vehiculo cu e dos agresornan a bandona sitio. Esaki no ta prime biaha ta locual cu a compronde. Cu tin mas victima di e acto aki y tur a señala e mes un vehiuclo preto y e mes un modus operandi.
Ambulance a presenta pa atende cu e victima cu a ricibi basta golpi na su cara. A compronde cu e victima lo a presenta na warda pa pone un denuncia.
