Den ora trempan di diamars, un conoci di husticia a bira un menasa serio pa un señora den area di Piedra Plat.
E conocido Koki a saca cuchiu riba un señora den cas y menas’e. El a bati alarma mesora cu polis, cu a presenta di biaha. Patruya di Santa Cruz como di Playa a yega na e adres pero e sospechoso Koki a bandona sitio caba.
Tin di bisa cu e individuo aki tin Piedra Plat terorisa. E patruyanan a cuminsa un buskeda y no mucho leu a bin topa cu Koki.
A trece e sospechoso pa e victima por reconoc’e y despues a dirigi su mes pa warda di polis pa pone denuncia.
Koki ta sospechoso di mas delito den e area. El a kibra den diferente cas, horta y causa destruccion na vehiculo di hende. Te asta tine graba riba camara. Pero ta parce cu no tin manera pa pone un paro na e daño cu Koki ta ocasionando.
Den e caso di awe, polis a deten’e y transport’e pa warda pa e duna cuenta.
