Desde algun dia caba a muda e post di Cuerpo di Bombero di San Nicolas, situa den e mesun caya cu Gallo Rojo, patras di ward’i polis San Nicolas, pa e Scol di Polis na San Nicolas, situa den Fort Heuvelstraat na Laho Heights.
E mudamento ta necesario, pa por start un renobacion grandi di e kazerne cu tin por lo menos cuarenta aña sin haya un bon man di mantencion. Dak ta lek, problema cu schimmel y asina lo por sigui menciona. Ta un suma cuantioso mester inverti awo pa drecha e edificio.
Gobierno di Aruba a contrata e compania di construccion ALBO Aruba, pa haci e trabou di renobacion. Ta calcula cu e trabounan lo dura mas of menos 120 dia, ekivalente na cuater luna di trabou intensivo.
Ora e ta cla, e lo ta cla pa bay pa hopi aña mas, como e base pa bomberonan di Brandweer staciona pariba di brug. Pa mas informacion, lesa e edicion di TREMPAN di mañan.
