E revista Digiday cu ta cubri e industria di contenido digital, ta afirma cu den e Copa di Mundo di futbol, e contesta di e anunciantenan tabata modera pa e forma fragmenta unda publico ta mira e evento. Un cos ta sigur: Television ya no ta e medio cu ta domina mas den e evento aki.
Anunciantenan (esunnan cu ta haci propaganda) di un banda mester cambia di e formanan tradicional pa yama atencion. Ta existi un presion enorme pa midi e cobertura y pa garantisa cu publico ta mira e propagandanan na television y cu e anunciantenan ta haya “return on investment”, como resultado di e promocion.
Un 62% di usuarionan di Internet rond mundo ta planea pa mira e weganan di Copa Mundial di futbol via television, mientras cu 25% ta pensa pa mira e weganan online, di acuerdo cu un estudio di Ipsos di mas di 12.200 persona. E tendencia ta mas cla den paisnan den desaroyo manera China, unda cu 47% di e usuarionan di Internet ta planea pa mira e evento online, sigui pa 45% na India y 44% na Saudi Arabia.
E cambio na un visualisacion online ta yuda splica pakico e torneo di e aña aki a aporta na 179 miyon menos na propaganda cu e ultimo campeonato 4 aña pasa y e presupuestonan pa futuro torneo lo crece riba un ritmo mas lento, Tim Part di e agencia di strategia MTM Sport a bisa Digiday.
Di un otro parti, e revista a informa cu mas di mita (51%) di e fanaticonan cu ta mira e weganan di Copa Mundial di futbol na television tambe lo uza rednan social y un mita lo combersa of manda mensahe na su amigonan mientras cu nan ta mirando, segun un estudio di GlobalWebIndex di mas di 34.100 fanatico di e Copa Mundial di futbol.
Esaki ta refleha den e kalender di hopi di e campañanan di marketing rond di e evento. E berdadero impulso den e gasto di medionan rond di Copa di Mundo, a sosode despues cu e torneo a cuminsa na e luga di antes, Jonathan Barnard, hefe di prevision y director di inteligencia global na Zenith a bisa Digiday. E marcanan parce ta enfoca den responde na eventonan paden y pafo di stadion na luga di depende di naracionnan cu ta sigui e script di semper, Barnard a bisa. Mientras cu e futbolistanan ta converti den icononan di estilo di bida y entretenimento, e lealtad di e fanaticonan pa nan ta profundisa.
Por ehempel, e futbolista Portugues, Cristiano Ronaldo, colectivamente a genera 570 miyon “likes”, comentario y retweets di siguidonan riba rednan social entre Januari y Mei ultimo, 270 miyon mas cu Neymar, kende a genera e di dos mayor cantidad di compromiso, segun Nielsen. “E marcanan kier historianan mas personal awo pa construi nan strategianan y por lo tanto nan ta persiguiendo e hungadonan na luga di e ekiponan,” Barnard a bisa. Tambe, segun e informe di Digiday, futbolistanan mas hoben aparentemente ta bandonando Facebook pa Instagram, nan ta conecta cu e fanaticonan mas leu cu e wega den comparti nan bida usando caracteristicanan manera Stories di Google, segun e consultora di medionan social, Pitchside.
Pa e 30 miho hungadonan di Premier League, Instagram ta representa mas di 53.2 porciento di su audiencia combina, cu 106.5 miyon di fanatico, mientras cu Facebook tin solamente 26.4 porciento di participacion cu 53.8 miyon di fanatico, segun dato di fanaticonan registra entre Februari y e final di e temporada di futbol domestico na Mei. E mesun estudio a haya cu 4 di cada 10 (41%) di e miho 400 hungadonan di e Premier League no tin un presencia oficial di Facebook den comparacion cu e 9% cu no tin un cuenta riba Instagram.
Experimentando un estilo di naracion nobo
E formato di naracion AMP Stories di Google, den su etapa di prueba den medionan di proyeccion internacional, tabata un di e triunfadornan den e Copa Mundial di Rusia pasobra a permiti pa yega al instante na e fanaticonan di futbol cu data facil pa baha y contenidonan na deseo di e lector. Analistanan di BBC News Lab, despues di e prome pruebanan a revela cu e lectornan ta aprecia e simplicidad di e herment. “Nos lo sigui p’adilanti cu nos programa piloto pa mira con flexibel e ta den e enfoke doferente di nos coberturanan,” Rober McKenzie, editor di BBC News Lab a bisa.
Pa e piloto aki, BBC a desaroya un CMS propio cu ta permiti periodistanan produci contenido sin tin cu involucra na un programador den cada etapa di e proceso. Un di e retonan tabata pa logra cu e audiencia di e formato aki di storytelling digital, pasobra manera un ironia, pa ta un programa di prueba, e contenidonan parce di no ta asina facil den Google Search.
Jono Hutchinson, subdirector di rednan social di e corant Britanico The Telegraph, unda cu tambe ta uza AMP Stories, a splica cu pa construi den un “web habri” cu formato responsivo HTML, ta haci’e facil pa usuarionan mira storianan via nan celular y desktop y por personalisa tambe. Cu e diferencia di otro plataformanan manera Snapchat, AMP Stories ta mas habri na e usuarionan, segun Hutchinson.
