Hues a dicidi awe cu e Toque de Queda (TdQ) introduci dia 28 di augustus ultimo via un areglo ministerial, tin suficiente base legal y ta legitimo. Corte a dicidi cu e scogencia di gobierno pa introduci e (di dos) Toque de Queda ta rasonabel bao di e circunstancianan di e crecemento exponencial di e cantidad di contagio di coronavirus. No por considera e TdQ desproporcional bao di e circunstancianan aki.
E dos sospechosonan cu a wordo cita pa motibo di violacion di e TdQ, a wordo sentencia pa respectivamente servicio pa comunidad y un boet di 1000 florin. Manera conoci, Ministerio Publico tabatin un otro punto di bista, pero hues no a sigui esaki. Ministerio Publico ta haci, awor cu hues a dicidi cu e TdQ ta corecto, un yamada urgente na personanan cu tin un boet di TdQ habri, pa nan paga esaki mas pronto posibel. Ta trata di personanan cu a wordo ofreci un transaccion den e periodo di 28 di augustus 2020 y 22 di october 2020 pa violacion di TdQ.
Loading…
Reload document 
Open in new tab Por paga e boet aki online via cuenta bancario 4000905 di Aruba Bank bao mencion di e parketnummer, e codigo di pago y e number di ID. Por haci un afspraak tambe via e website (www.omaruba.com) pa pasa personalmente na caha di Ministerio Publico. Si ta desea pa yega na un areglo di pago, por fabor manda un e-mail cu informacion y number di telefon pa [email protected].
