Partido UPP a tene su conferencia di prensa y a reacciona riba e situacion cu a pasa den Parlamento algun siman atras, unda cu no a stop e reunion na momento cu no tabatin quorum mas. UPP a manda un carta pa Gobernador riba e situacion aki, pasobra cosnan no ta cuadra.
Segun Booshi Wever, lider di UPP, a splica cu loke Juan Thijsen a haci durante e reunion no tabata bon y cu e Presidente di Parlamento sa esey. Pero cu e griffier tambe sa con cosnan ta bay. El a trece dilanti diferente punto cu no a bay bon.
Despues di a mira e videonan bon, el a nota cu parlamentario Alan Howell no tabata den sala di Parlamento. Esey kiermen cu su voto no ta conta, ni cu e tabata para den porta pafo di sala di Parlamento of den baño. E ta kere cu Ministerio Publico mester haci un investigacion riba e actonan aki cu pa nan ta actonan penal.
P’esey UPP ta di pensamento cu tabatin diferente caminda cu Gobernador por a cana. Wever ta kere cu e gobierno actual no tin e legitimidad pa dirigi Aruba ni firma un acuerdo traicionero p’e pueblo. Pa e motibo aki ta pidi e gobierno pa entrega nan retiro y Gobernador instala un gabinete A-politico. P’asina sigura di sigui tur reglanan di bon gobernacion.
Loading…
Reload document 
Open in new tab
Loading…
Loading…
Loading…
Loading…
