Diabierna anochi, algo pasa di 10’or, na altura di Driftwood Restaurant, departamento di DIP a tene un control riba taxistanan pa mira si nan papelnan tabata na ordo. Pa mala suerte di un taxista, su papelnan no tabata na ordo. Di biaha a yama Polis pa bin intermedia ya cu e persona aki su permiso a wordo kita pa incumplimento y ta core rond cu un number bieu. Polis a tuma e taxi den beslag y a laga e homber na pia. E lo haya su auto bek te ora tur su papelnan keda regla manera mester ta.
