Diabierna mainta nos grandi nan a pasa un dushi mainta den compania di amigo y famia cu nan celebracion di carnaval na Club Kibracha 60+ na Piedra Plat. Aki nos grandinan a gosa un mundo, bailando y alabes teniendo eleccion di reina di e centro.
Como reina 2018 pa Club Kibrahacha 60+ a keda eligi, sra. Edita Croes. Prome finalista a keda den persona di sra. Phillis Brooks y na di dos luga a keda den persona di sra. Ilse Lo-fo-sang. Como reina di Social Media a keda den persona di sra. Martha Henriquez.
Nos grandinan a sa di luci riba e diabierna mainta aki, durante nan eleccion di reina, unda cu cada un di nan, a scoge un dia pa nan representa.
Edita Croes, como Reina di Diabierna, a bay cu titulo maximo.
Un palabra di pabien ta bay na e comision di actividad di Club Kibrahacha 60+ cu celebracion di e dia aki y haciendo esaki uno hopi dibertido pa nos grandinan.
