Diahuebs reunion di Beach Policy a tuma luga entre Minister di Infrastructura, Minister di
Turismo, Minister di Husticia, Minister di Transporte, departamentonan den KPA, DIP, DOW,
DSA y DWJZ.
Cual ta esnan concerni pa trata e maneho y conducta di esnan cu ta opera di riba nos beachnan. Manera ya a declara, lo tin cero tolerancia pa e tipo di actitudnan aki pa cual un taskforce a wordo instala pa enforsa esaki. E ultimo sosedidonan riba nos beachnan a shock nos comunidad den un forma negativo cual no ta acceptabel. E 4 Ministernan y departamentonan concerni a sinta hunto pa sigura cu e maneho di ‘3 strikes you’re out’ ta siguiendo su curso y cu esaki ta wordo implementa. Minister Otmar Oduber a indica, cu cero tolerancia lo wordo aplica riba nos beachnan y den cuadro di esaki a forma un taskforce entre tur e departamentonan y instancianan concerni cu control.
Dentro di poco lo inicia cu controlnan severo riba tur locual ta trata permisonan cu personanan tin. Bouwvergunning, e aspecto di siguridad, comportacion, siguridad di botonan cu ta opera, watersports, hotelnan cu tin nan stoelnan y parasolnan riba beach entre otro. E taskforce aki lo keda existi den futuro pa di e forma aki departamentonan keda traha na un forma coordina cu otro, pa evita cu ta sosode locual cu a sosode riba nos beachnan. Pa conclui, ‘E cara di Aruba ta sumamente importante y mester wordo cuida pa garantisa desaroyo economico y bienestar di nos turismo. Mas ainda, e aspecto di conducta riba nos beachnan y condicionnan cu ta mara den e precario cu cada persona a haya mester wordo respeta. Pues esey ta bay encera e trabou cu ta bay cuminsa aworaki.’
