Na Pos Abou 6D ta biba Lucio Tromp. E tin 62 aña di edad y e mester ayudo pa motibo cu el a perde su cas, tur su cosnan den un candela.
Pa basta tempo e ta purba haya un solucion pa su situacion. Tromp a bati na porta na tur departamento social, pero no a haya ayudo. Un par di mama hoben a topa cu Tromp y a dicidi di brind’e ayudo. Nan a ofrec’e un dak p’e por biba mientrastanto.
Pero, aunke cu nan ta brinda ayudo na Tromp door di bay cu ne, e no por keda cu un di nan pa hopi tempo. Esun cu a brind’e ayudo mes tin su mesun gastonan. E persona aki hunto cu otro mama a busca un solucion door di tuma contacto cu nos redaccion di 24ORA/TREMPAN. E grupo di mamanan aki ta pidi pa yuda Lucio Tromp.
Lucio Tromp a indica cu su pianan ta hincha. Algun luna atras e trailer di Lucio Tromp a pega na candela y te cu awo e no a ricibi ningun tipo di yudansa. Ta pidi comunidad di Aruba si por tin pida palo, pida zim, truck, bobcat of algo pa duna un man y yuda Tromp sali fo’i e situacion cu e ta aden.
Pa mas lesa TREMPAN.COM.
