Un operativo conhunto entre autoriddanan nacional y Europeo a permiti e confiscacion di mas di un ton di clorhidrato di cocaina na Rotterdam, Hulanda.
E alcaloide a wordo transporta den un cargamento di awacati y por a wordo confisca danki na un denuncia anonimo.
En total, a wordo confisca 1.188 kilo di clorhidrato di cocaina cu a keda balora na 40 miyon di dollar.
“Despues di culmina e prome congreso internacional antidroga na Medellin, e conclusion ta un so, combina esfuersonan pa combati narcotrafico den e hemisferio, asina a keda demostra den e importante operacion aki unda cu Hulanda, Belgica y Colombia a uni pa dal man riba e integrantenan,” e director di Polis Antinarcotico, general Fabian Laurence Cardenas Leonel, a sigura.
Ocho ciudadano Hulandes a wordo captura den e operativo.
