E Sindicato Nacional di Trahadonan di Prensa di Venezuela, a denuncia atrabes di Twitter e desaparicion di e periodista Venezolan, Luis Carlos Diaz, cual paradera ta desconoci, for di rond di 5’or di dialuna atardi.
Su pareha sentimental y periodista Naky Soto, a publica riba su rednan social cu el a perde contacto cu e periodista for di 5’or y mey di atardi.
Te na e momento, no tin reaccion di autoridad rib e denuncia aki. Amnesty International a bisa cu nan a activa e monitoreo di e situacion pa e desaparicion di Diaz.
E organisacion Espacio Publico a denuncia cu Diaz a ricibi menasa riba rednan social. Juan Guaido, presidente di e Asamblea Nacional y autoproclama como presidente interino di Venezuela, a uni na e causa riba Twitter riba e denuncianan haci pa e desaparicion di Diaz.
