E team di defensa di e politico Mike de Meza ya a cuminsa cana e caminda pa logra cu e caso penal contra dje por yega corte mas lihe posibel. Ta un aña a pasa caba desde cu durante screening pa bira minister cu DIMP a informa OM cu e no por bira minister. Tin cosnan cu lo no ta bon. Y despues a dicidi di entrega un keho oficial.
Despues a resulta cu tur cos tin di haber cu belasting. Ora cu a menciona na inicio di fraude di miles di florin, na final e sospecho a bira cosnan chikito. Asina chikito cu OM a ofrece pa paga un boet di dos bes 5 mil florin y pa finalisa e caso. Esaki ta nifica cu e ta acepta culpabilidad pero no bay corte. Esaki ta algo cu e politico a nenga y a bisa cu e ta prefera pa bay corte.
Tabata diesshete a pasa cu ing. Mike de Meza, pa motibonan politico y manera hopi otro politico den Reino ta haci, a pone e sharenan di su compania den un stichting (op afstand) y a cambio e ta haya certificado. Na momento cu e dicidi di sali di politico, ta entrega e certificadonan y e ta haya su compania of su sharenan bek. “Esaki ta un practica comun den Reino,” su abogado mr. Desiree Croes a indica.
Den e periodo despues di esey, e tabata 8 aña minister y e resto el a ocupa un asiento den parlamento.
Diripiente despues cu el a bira candidato pa minister di e actual gobierno, a cuminsa papia di fraude y cu o debe sumanan grandi di placa, cual a cay di sorpresa p’e propio politico. Mesora su team di defensa a cuminsa compilacion informacion y manda esaki a DIMP, prome cu Ministerio Publico a bisa cu e ta un sospechoso.
A keda wanta e team di defensa y e propio Mike de Meza na liña te ora cu algun siman atras ora cu porfin a haya dossier di caso Mero. Pa nan sorpresa e gran mayoria di contenido di e dossier aki tabata documento cu e team di de Meza a manda pa DIMP y OM pa mustra cu no tin nada malo.
Abogado mr. Desiree Croes a splica den Enfoke cu momento cu de Meza a bira minister, el a pone tur e asuntonan di su negoshi den man di un consultant. Y aki riba un di e formulario unda ta puntra si e tin share, e consultant a marca den e hoki di no mientras cu DIMP ta bisa cu e meste a marca e hoki di si.
E di dos aspecto cu ta acus’e di dje ta cu el a tarda pa entrega e formularionan concerni. Esey tabata den temporada cu tanto e tabata pasando den algun reto personal. Pues a entrega e formulario laat y cu e fout den dje cu e politico mes no tabata consciente cu tin un fout.
Pa relato amplio lesa TREMPAN.
