Siman pasa a reuni cu coach di landamento, Peter Andrews, cu tabata na Aruba cu su yiu homber Micheal Andrews. E ultimo aki ta medayista di oro Olimpico pa Merca den landamento y cu atleta di TEAMARU Mikel Schreuders. Actualmente Mikel ta train cu coach Peter na su base cu ta na Hawaii, den preparacion pa su participacion na e Weganan di aña 2026.
Durante e reunion a combersa di e plan di entrenamento actual cu ta haci cu Mikel, y e diferente hermentnan cu ta uza pa por traha riba mehora su tecnica di landamento. Peter a indica di ta haci uzo di diferente metodo di analisis y data pa asina traha y adapta e plan di entrenamento, creando un plan specifico pa maximisa e potencial di Mikel den e diferente modalidad cu e ta competi aden.
Comite Olimpico Arubano (COA) ta gradici Peter pa su compromiso pa yuda Mikel sigui mehora y asina traha hunto pa un miho nivel di rendimento pa e atleta di TEAMARU.
