Organisacionnan local tin hopi oportunidad pa yega na e fondonan di UE via di diferente angulo. Solamente mester cumpli cu e condicionnan, di tin un buki di cuenta bon na ordo. Y awo, tin otro oportunidad.
Union Europeo a haci un yamada nobo pa subsidio pa proyectonan cu ta contribui na e maneho sostenibel di e capital natural di e paisnan Caribense y teritorionan den exterior. Organisacionnan na Aruba, Boneiro, Curaçao, Saba, Sint Eustatius, Sint Maarten, y Saint-Barthélemy por entrega proposicionnan pa esaki.
E yamada ta origina for di e Delegacion di Union Europeo na Barbados, e Estadonan di Caribe Oriental, y e Organisacion di e Estadonan di Caribe Oriental, y ta wordo financia for di e presupuesto di Union Europeo. E programa tin como meta pa fortalece e maneho duradero di naturalesa y biodiversidadna di e islanan concerni.
Organisacionnan interesa por entrega nan proposicionnan di proyecto te cu 28 di augustus 2026. Adicionalmente, dia 23 di juni, Union Europeo ta organisa un reunion di informacion online pa splica e skema.
E condicionnan y guianan completo pa aplicantenan ta disponibel via e portalnan di subsidio Europeo, y na e delegacion di Union Europeo na Barbados.
